Trajneri i Manchester United, Ole Gunnar Solskjaer ka përjashtuar mundësinë e largimit të mesfushorit Paul Pogba nga skuadra.

Spekulimet që Pogba të largohet nga United u rriten gjatë pushimeve ndërkombëtare – pasi ai e pranoi se Real Madridi ishte një ‘ëndërr’ për çdo lojtar, përcjell GazetaBlic.Megjithatë, BBC Sport njofton se Solskjaer kundërshtoi një largim të tij.

“Ai nuk fliste për veten e tij. Ai tha se çdokush do të donte të luante për Real Madridin. Paul është i lumtur këtu, ai është duke luajtur mirë”, tha fillimisht Solskjaer.

“Ai do të jetë një pjesë e madhe e ekipit dhe pjesë e rëndësishme e ndërtimit të ekipit”, përfundoi norvegjezi.26-vjeçari ka shënuar nëntë gola, pasi norvegjezi zëvendësoi Jose Mourinhon në krye të ekipit në dhjetor.

/GazetaBlic/