Mesfushori i Barcelonës, Ivan Rakitic tashmë ka arritur marrëveshje në parim që t’i bashkohet Juventusit këtë verë, gjithnjë sipas medieve.

Siç shkruan “La Gazzetta dello Sport”, lojtari tashmë ia ka dhënë fjalën Juventusit, dhe se Barcelona dëshiron ta shesë kroatin në verë.

kroat i skadon kontrata me Barcelonën në verën e vitit 2021, por me ardhjet e Arturo Vidal, Arthur Melo dhe Frenkie De Jong, minutazhi i tij është në rrezik, shkruan Zëri.

Javën e kaluar, mediet spanjolle shkruanin se ish-anëtari i Sevillës do të mbetet në “Camp Nou” dhe se ka besimin e Ernesto Valverdes, por kjo duket se nuk do të ndodhë.

Përveç Juventusit, edhe Paris Saint-Germain ishte e interesuar për Rakitic, për të cilin në verën e kaluar ofruan 90 milionë euro, ofertë që u refuzua nga lojtari.

Rakitic i është bashkuar Barcelonës nga Sevilla në verën e vitit 2014 për 18 milionë euro, dhe deri më tani ka fituar tre tituj të La Ligës, katër tituj të Kupës së Mbretit si dhe njëherë Ligën e Kampionëve./Zëri/