Xherdan Shaqiri nuk pritet të luajë as në sfidën e së dielës së Liverpoolit ndaj Tottenhamit, transmeton zeri.info

Shaqiri nuk ishte pjesë e përfaqësueses zvicerane për ndeshjet e marsit për shkak të një lëndimi në ijë.

Edhe pse trajneri i Liverpoolit, Jurgen Klopp ka deklaruar se futbollisti shqiptar është në gjendje shumë të mirë, sipas mediumit të njohur sportiv “Goal.com” ai është në dyshim për takimin ndaj londinezëve.

“Xherdan Shaqiri është në dyshim për këtë ndeshje, pasi mungoi në kualifikimet e Zvicrës për ‘EURO 2020’ me një problem në ijë”, shkruan Goal.com.

Gjatë kohëve të fundit roli i Shaqirit në skuadrën e Liverpoolit është zbehur shumë dhe duket se strategu gjerman e ka humbur besimin te ish-lojtari i Stoke Cityt./Zëri