Është publikuar nga disa faqe interneti një foto ku këngëtarja Genta Ismajli shfaqet shumë afër me një djalë zeshkan, shkruan “InfoKosova”.

Akoma nuk dihet se ky djalë është ndonjë mik, familjar apo i dashuri i ri i Gentës.

Por fansat e saj tashmë janë duke menduar se edhe Genta u bë me të dashur të ri!

E vet këngëtarja Ismajli nuk ka ndonjë foto apo diçka që e lidh me këtë mashkull në profilin e saj në instagram.

Ndryshe Genta që nga ndarja e saj me Milot Binakun, nuk ka deklaruar se ka pasur e as nuk ka treguar se a ka filluar ndonjë lidhje me tjetër kë./InfoKosova/

Kryetari i Listës Serbe, Slavko Simiq ka bërë të ditur planet e tyre nëse Kosova krijon ushtrinë të premten.

Lista Serbe pret nga BE-ja dhe bashkësia ndërkombëtare që deri të premten të nënshtrojë presion të fuqishëm ndaj 

Prishtinës për t’u tërhequr nga formimi i ushtrisë së Kosovës, ka thënë kryetari Slavko Simiq.

“Nëse ndodh të premten, jam i sigurt se do të ketë tensione të mëdha dhe se Prishtina do ta krijojë një flakë të re politike të cilën do ta përdor edhe ndaj popullit serbë në Kosovë, por edhe ndaj Beogradit, e me shumë siguri se një flakë e tillë politikë, nëse krijohet, do të krijojë tym në gjithë rajonin”, deklaroi ai për “TV Prva”, përcjell lajmi.net.

I pyetur se cili do të jetë reagimi i Listës Serbe ndaj formimit të mundshëm të ushtrisë së Kosovës dhe nëse tashmë janë konsultuar me Beogradin, Simiq ka thënë se Lista Serbe është vazhdimisht në komunikim me presidentin Aleksandar Vuçiq, drejtorin e zyrës për Kosovë, Marko Gjuriq, kryeministren Ana Bërnabiq dhe qeverinë serbe.Përfaqësuesit e Listës Serbe, shtoi ai, presin rrjedhën e seancës të premten dhe nëse kalon votimi për ushtrinë në kuvend, pritet të paraqesin ankesë në Gjykatën Kushtetuese në mënyrë që së paku në atë mënyrë të shtyjnë procesin.

“Nëse Gjykata Kushtetuese bëhet objektive, profesionale dhe nëse tregon integritetin e saj institucional, është e sigurt se do të shfuqizonte votimin, sepse paraqet shkelje të plotë të kushtetutës së Kosovës”, u shpreh Simiq.

Ambasadori i Britanisë së Madhe në Kosovë Ruair O’Conell ka thënë se Britania e Madhe beson së Kosova ka të drejtën e krijimit të ushtrisë.

Megjithatë O’Conell ka theksuar se shteti i tij vazhdon ta inkurajoj Kosovën që këto vendime ti marrë në mënyrë të përgjegjshme dhe të sillet me transparencë dhe konsultim me NATO-në dhe KFOR-in skruan GazetaBlic.

Madje ai i ka kujtuar Kosovës edhe shkëmbimin e letrave me KFOR në vitet 2012 – 2013

Qëndrimi i tij rreth ushtrisë u dha në përgjigjet q% ai u bënë qytetarëve përmes rrjetit social facebook.

Mbretëria e Bashkuar beson se është e drejte e Kosovës te krijoje forcat e saj te armatosura. Ne vazhdojmë te inkurajojmë Kosovën te sillet me përgjegjësi dhe me transparence, dhe ne konsultim me aleatet e NATO, dhe te respektoje angazhimin e saj ndaj KFOR, përfshirë edhe shkëmbimin e letrave te viti 2012-2013.

Kryetari i Kuvendit të Kosovës Kadri Veseli gjatë qëndrimit të tij në Shtetet e Bashkuara të Amerikës është takuar edhe me senatorin Gary Peters.

Sipas Veselit senatori Peters është anëtar i Komitetit të Senatit të Forcave të Armatosura dhe i njëjti ka shprehur mbështetje për transformimin e FSK-së në ushtri.

Postimi i Veselit në Facebook:

Në takim me Senatorin, Gary Peters, një mik i madh i Kosovës. E falënderova për mbështetjen që i ka dhënë dhe po i jep Kosovës. Si anëtar i Komitetit të Senatit për Forca të Armatosura, me senatorin Peters diskutuam për transformimin e FSK-së në Ushtri të Kosovës. Ai shprehi përkrahjen e plotë si dhe patëm një diskutim shumë përmbajtësor për misionin dhe ngritjen e kapaciteteve të ushtrisë sonë pas transformimit. Shtetet e Bashkuara të Amerikës do të jenë gjithmonë përkrah Kosovës.

Ish-komandanti i UÇK’së, tash deputet i AAK’së, Daut Haradinaj në një prononcim të shkurtë për Gazetën Express ka bërë të ditur se nuk ka marrë ftesë nga Gjykata Speciale.

Megjithëse emri i tij u përfol në listën e atyre se do të thirren në Hagë nga Specialja, këtë po e demanton tash deputeti i Aleancës për Ardhmërinë e Kosovës, Daut Haradinaj.

Haradinaj tha shkurtimisht se nuk ka marrë ftesë nga Specialja.

Në këtë fund vit veçse kanë filluar të dalin emrat e parë të personave që janë ftuar nga Gjykata Speciale, e siç ka raportuar në vazhdimësi ekskluzivisht Gazeta Express bëhet fjalë për disa nga fytyrat kyçe të UÇK ‘së.

Tashmë në opinion është bërë i ditur emri i Rrustem Mustafës, Sokol Dobrunës, Nazif Mehmetit e Sami Lushtakut, ndërkaq emrat e dy ushtarëve të thjeshtë për të cilat është në dijeni gazeta, nuk janë zbuluar për opinionin.

Edhe nga Nisma Social Demokrate kanë thënë se lideri i tyre, Fatmir Limaj nuk ka marrë ftesë.

Dhomat e Specializuara të Kosovës, të njohura si Gjykata Speciale, janë votuar në Kuvend të Kosovës, në gusht të vitit 2015. Përmes ligjit të veçantë, këto Dhoma të Specializuara u themeluan për të gjykuar disa krime të caktuara të kryera prej 1 janarit 1998 deri më 31 dhjetor 2000, brenda territorit të Kosovës.

Ato u krijuan si pasojë e një raporti të zviceranit Dick Marty, që e paraqiti para Këshillit të Evropës në janar të 2011.

Raporti përmban pretendime për krime të rënda, që supozohet t’i ketë kryer UÇK-ja gjatë dhe menjëherë pas luftës së fundit në Kosovës. Të njëjtat supozime u mbështeten edhe në një libër që e kishte shkruar ish-prokurorja e Tribunalit Special, Carla Del Ponte, tri vjet para se Marty ta hartonte raportin. 

Ana Kabashi vazhdon të jetë tejet e komentuar në rrjete sociale e media rozë.

Këngëtarja nga Peja që u bë e famshme falë pjesëmarrjesnë ‘The Voice of Albania’, veç për vokalin e saj shquhet edhe për linjat trupore.

Së fundmi ajo ka bërë edhe një ndryshim në dukje, kunga biondinë ajo u kthye në brune, ndërsa shfaqet atraktive në një fustan të bardhë të shkurtër.

Duke shfaqur këmbët seksi, ajo thyhet në mes për të vënë në pah të pasmet me të cilat shquhet./Indeksonline/

Ish-komandanti i UÇK-së, njëherësh ish-kryetari i komunës së Skenderajt, Sami Lushtaku është ftuar nga Gjykata Speciale.

Kjo gjë është konfirmuar nga avokati mbrojtës, Arianit Koci, raporton Indeksonline.

Lushtaku ështuë ftuar që të jetë i pranishëm në Hagë me datën 14 janar 2019.

Tutje avokati Koci ka thënë se Lushtaku do të paraqitet vullnetarisht dhe është i gatshëm të sqarojë çdo rrethanë që Zyra e Prokurorit të Specializuar është duke hetuar.

Njoftimi i plotë:

Me autorizimin e klientit tim z. Sami Lushtaku, ju njoftoj se z. Lushtaku ka pranuar një ftesë që me datën 14 janar 2019, të paraqitet pranë Zyrës së Prokurorit të Specializuar të Kosovës (ZPS) në Hagë.

Kjo është ftesë për intervistim.

Z. Lushtaku do të paraqitet vullnetarisht dhe është i gatshëm të sqarojë çdo rrethanë të cilën ZPS është duke e hetuar.

Kjo është e gjitha për çfarë kemi njohuri tani për tani, dhe me mirësjellje kërkoj nga gazetarët që të mos e kontaktojnë z. Lushtaku rreth kësaj çështjeje.

Sami Lushtaku ftohet nga Gjykata Speciale

Nazif Mehmeti i njohur në luftën e fundit në Kosovë si Komandant Dini, është i ftuari i radhës për tu intervistuar pranë Zyrës së Prokurorit të Specializuar për Kosovë në Hagë.
Këtë e ka konfirmuar për Klan Kosova, avokati i tij Tahir Rrecaj ndërsa ka thënë se klienti i tij është ftuar që të paraqitet në Hagë më 22, 23 dhe 24 janar.

Ai ka bërë të ditur se klientit të tij nuk i janë dhënë detaje se në çfarë cilësie pritet të intervistohet.

Pos Nazif Mehmetit nga Specialja për intervistë janë ftuar Sokol Dobruna dhe Rrustem Mustafa.

Klan Kosova një ditë më parë raportoi se të intervist

Gazeta Express ka raportuar ekskluzivisht për katër persona që janë ftuar nga Gjykata Speciale për t’u intervistuar në Hagë.

Pas raportimit për të ftuarin e parë, avokati Arianit Koci, kishte bërë publike se klienti i tij, Rrustem Mustafa – Remi, ish-komandant i UCK’së në zonën operative të Llapit, është ftuar nga Specialja.

I dyti që është konfirmuar ka qenë Sokol Dobruna, i cili mbrëmë ka folur në emisionin Pressing të Televizionit 7.

Express ka raportuar poashtu se dy ushtarë të thjeshtë të UCK’së, njëri nga Zona e Malisheves, e tjetri nga e Dukagjinit, janë prej personave të parë të ftuar në Hagë.

Forca e Sigurisë së Kosovës (FSK), do të pajiset edhe me 27 autoblinda tjera të tipit “HMMWV”.

Ditëve të fundit në Forcën e Sigurisë së Kosovës ka ardhur një kontingjent prej 24 automjeteve të blinduara amerikane të tipit “HMMWV”, shkruan lajmi.net.

Këtë e ka konfirmuar Ibrahim Shala, zëdhënës i Ministrisë së Forcës së Sigurisë së Kosovës.

Shala ka thënë për lajmi.net, se këto automjete ushtarake janë blerë nga buxheti i Kosovës mirëpo, nuk ka treguar vlerën e tyre.

Tutje, Shala ka treguar se FSK-ja do të pajiset edhe me 27 automjete të tilla në fillim të vitit 2019.

“Ky kontingjent është nga kontrata e blerjes kurse në fillim të viti të ardhshëm do të vije kontingjenti tjetër prej 27 HMMËV që është donacion nga SHBA-të”, ka treguar Shala.

Ndryshe në korrik të këtij viti, Qeveria e Kosovës kishte nënshkruar kontratë me Shtetet e Bashkuara të Amerikës për blerjen e 51 autoblindave të tipit “HMMËV”, por as Qeveria nuk ka bërë të ditur vlerën e kësaj kontrate.

Policia e Kosovës në një komunikatë për media ka bërë të ditur se është në kërkim të tre personave të dyshuar për kryerjen e veprës penale “Grabitje”. Tre të dyshuarit janë identifikuar nga ana e Policisë, mirëpo kjo e fundit kërkon ndihmën e qytetarëve për t’i gjetur dhe për këtë do të shpërblejë me 5 mijë euro personat që ndihmojnë në kapjen e tyre.

Deri tani policia ka identifikuar dhe i ka futur në kërkim policor tre persona të dyshuar për të cilët ekziston dyshimi i arsyeshëm se të njëjtit mund të jenë të implikuar në rastet e grabitjeve që po hetohen.

“Policia e Kosovës është duke punuar në mbledhjen dhe analizimin e të gjitha fakteve dhe dëshmive relevante për të zbuluar sa më parë këto raste dhe të sjellë të dyshuarit para drejtësisë. Megjithatë, për lokalizimin sa më të shpejtë të kryesve të këtyre veprave penale, Policia kërkon ndihmën e qytetarëve, që mund të kenë informacion për vendndodhjen e tyre dhe për këtë ofron shpërblim 5.000 (pesëmijë) euro”, thuhet në komunikatë.

Kjo kërkesë është bërë në konsultim dhe koordinim me Prokurorin e rastit dhe kryeprokurorin e Prokurorisë Themelore në Prishtinë, pasi që të njëjtit këta persona të dyshuar, konsiderohen me rrezikshmëri të lartë dhe aktualisht gjenden në arrati.

Andaj për ta ndihmuar lokalizimin e vendndodhjes së tyre si dhe për ta mundësuar kapjen e tyre policia kërkon bashkëpunimin e të gjithë qytetarëve. Çdokush që ka informacion për ta, t’ia kaloj ato policisë përmes linjave emergjente 192 ose në info@kosovopolice.com.

Policia e Kosovës për qytetarët që ofrojnë informacion, do të garantoj konfidencë të plotë.

Emrat dhe fotografitë e të dyshuarve janë në vijim:

– Kastriot (Xhevat) Shala i lindur me datë 30.07.1995, me banim në fshatin Trudë të Prishtinës.

– Leutrim (Rrahman) Latifi i lindur me datë 27.08.1992 me banim rruga Vushtrrisë nr; 64 Prishtine.

– Ridvan (Rexhep) Ademi i lindur me datë 11.08.1989 me banim në fshatin Dobratin të Podujevës.