fbpx

Rrëfimi i gruas nga Puka: Shoqet e mia po bëjnë namin, ndërsa mua burri nuk …

  01 Dec 2017

Një grua shpreh pakënaqësitë ndaj bashkëshortit të saj në një letër që po bën xhiron e rrjeteve sociale. Sipas saj bashkëshorti nuk i mëson Facebook-un. Kjo është historia e rrëfyer për “ShkodraNews”.

“Nuk dal, nuk shëtis, por Facebook të paktën të kem, e meritoj që të kaloj kohën e lirë.

Jam një zonjë 32 vjeçe nga Puka dhe nuk punoj. Nuk kam fëmijë dhe burri pjesën më të madhe të ditës e kalon duke punuar.

Ai është i zoti në Facebook, kurse unë nuk di as të futem.

I lutem burrit që të ma mësojë e të kem edhe unë një faqe, siç kanë tërë shoqet e mia komshie këtu.

Në këtë mënyrë mund të flas e shoh foto të njerëzve të mi që shumicën i kam jashtë shteti.

Burri rri tërë kohën në shtëpi në Facebook, kurse mua fanatiku nuk më lejon.

Nuk ka ç’të duhet me thotë, se tërboheni ju gratë.

Pse moj gra ju jeni tërbuar nga Facebook-u?

Edhe këtë letër po jua nis nga adresa e shoqes, se nëse më hap burri çdo ditë do të keni një letër nga ana ime.

Më ka pëlqyer të shkruar që në gjimnaz, por burri nuk më la të studioja për Gjuhë-Letërsi.

Si mund ta bind burrin që të jem edhe unë me Facebook? A ka ndonjë mënyrë?

Gëzuar festat e Nëntorit edhe ishalla do të dëgjoni shpejt prej meje sërish :D. Pres sugjerime për të bindur fanatikun tim…”, shkruan ajo. /ShkodraNews