fbpx

Ramush Haradinaj goditet nga partneri më i besueshëm i koalicionit

  22 Dec 2017

Ish-kryetari i Kuvendit të Kosovës, aktualisht kryetar i Këshillit Kombëtar të Nismës për Kosovën, Jakup Krasniqi ka reaguar ndaj vendimit të kryeministrit Ramush Haradinaj për rritje të pagave.

Krasniqi në një postim në Facebook ka shkruar se në sektorin publik po bëhen rritje vazhdimisht, por asnjëherë në atë privat.
Ai ka pyetur se a ka pasur ndonjëherë lajm në media për rritje pagash në këtë sektor, cili është orari i punës, a ka ligj për ta, etj.

Ja postimi i plotë i Krasniqit:

RRITJE PAGASH PO, POR KUJT?

Socialdemokracia progresiste kudo në botën e qytetëruar është për rritjen e pagave dhe kjo mund të vjen sa herë që në një vend ka rritje të buxhetit të shtetit. A është bërë ngritja e pagave për gjithë shërbyesit civil? Por, shteti a duhet të mendoj edhe për qytetarët që nuk janë në punën e shtetit?! A duhet t’i mbron edhe të punësuarit në bizneset private? A i ka krijuar shteti instrumentet e duhura për t’i mbrojtur edhe ata që nuk i ka nën ombrellën e shtetit?

A e dinë ndokush, a ka pasur ndonjë herë ndonjë lajm në mediet tona të shumta, që ne sektorin privat ka pasur ngritje të pagave? Si qëndron puna me të punësuarit në sektorin bankar? Aty ku fitimet vjetore janë të mëdha? Cili është orari i punës për të punësuarit në marketet e mëdha tregtare? Po në sektorin e ndërtimtarisë së lartë etj. A kemi inspektorat të punës që i mbrojnë punëtorët dhe ligjin e punës? Cili është orari i punës për të punësuarit në sektorin privat? Etj, etj.

Me të drejtë ekziston bindja se të punësuarit në sektorin privat trajtohen si skllevër!

Vendimet sa herë që janë transparente, janë të mirëseardhura, por veç transparencës ato duhet ta kenë edhe të drejtën me vete. Ne, si vend e si popull kemi shumë nevojë për drejtësi e progres shoqëror.

Të merresh me politikë, është të jesh në shërbim të publikut!

Politikat sociale të drejtësisë sociale i duhet vendit tonë