Juventusi ishte protagonist i një rikthimi senzacional në Ligën e Kampionëve këtë javë.

“Zonja e Vjetër” ishte në disavantazh prej dy golash nga ndeshja e parë që u zhvillua në Madrid.

Megjithatë, në ndeshjen e kthimit në Torino, Juventusi ia doli ta kthejë rezultatin në 3:2 me tre-golëshin e pesë herë fituesit të “Topit të Artë”, Cristiano Ronaldo.

Me këtë tre-golësh, Cristiano arriti në kuotën e tetë tre-golëshave në karrierën e tij në Ligën e Kampionëve, shkruan Zëri.

Andaj, mbështetja më e madhe që tifozët e Juventusit kishin për këtë ndeshje ishte te kapiteni i Kombëtares portugeze.

Besim në të kishte edhe ish-mbrojtësi i Juventusit dhe Manchester Unitedit, Patrice Evra.

Së fundmi, Patrice Evra ka publikuar në rrjetin social, Instagram një pjesë të bisedës, ku e mbështet portugezin për ta bërë ‘heroin’ në këtë ndeshje.

Pjesë nga biseda mes Evra dhe Ronaldos:

Evra: Vëlla, unë jam duke llogaritur në ty për rikthimin në Ligën e Kampionëve. Kurrë nuk kam dyshuar te ti. Dhe njerëzit më vrasin mua çdo herë kur ju apo Juventusi mposhtet.

Ronaldo: E di. Ne do të kalojmë vëlla. Në shtëpi ne i shkatërrojmë ata.

Evra: Pikërisht. Viva Ronaldo.

Ronaldo: Hahahah

Evra: Vëllau im, ndjeje vetëbesimin. Lutem për Atleticon./Zëri/