Pamje të rënda, momenti kur familjarët identifikojnë trupat e pajetë të aksidentit në Lezhë

Gjithë Lezha është tronditur sot nga një aksident i rëndë që ndodhi në Torovicë, ku një masiv shkëmbor ra mbi një makinë në lëvizje me të cilën udhëtonte një familje e tërë.

Dy vëllezërit Edmond dhe Valentin Zefi humbën jetën dhe bashkëshortja e njërit prej tyre, e cila ishte shtatzënë. “BalkanWeb” sjell pamjet e para nga vendi i ngjarjes. Policia nxjerr nga makina e mbuluar nga shkëmbi trupat e pajetë. Disa prej familjarëve që ndodhen në vendin e ngjarjes shpërthejnë në lot e të bërtitura.

Në pamje duket një burrë në moshë teksa qëllon kokën dhe qan, ndërsa policët dhe njerëzit e tjerë e tërheqin për ta larguar nga vendi i ngjarjes. Viktimat janë të shtrirë në tokë e të mbuluar, ndërsa pritet të transportohen në morg.

Njoftimi i policisë:

Me datë 07.10.2017, në rrugën Torovicë – Malecaj në Lezhë , një masiv shkëmbor është shkëputur nga mali duke rënë mbi një mjet tip fuoristradë Land Rover me targë AA 322 CV.

Deri në këto momente , janë identifikuar 3 viktima të cilët ndodheshin brenda në mjet pasi gjysma e mjetit është e shtypur dhe mbuluar nga masivi shkëmbor.

Shërbimet policore në bashkëpunim me Prokurorinë e Rrethit Gjyqësor Lezhë , zjarrfikëset dhe ambulancën ndodhen në vendngjarje për veprime të mëtejshme.