fbpx

Mos kaloni nëpër Merdare, ja çka po ndodh atje!

  25 Dec 2017

Kolona e automjeteve në Pikën e Kalimit Kufitar në Merdare sot është më e shkurtër në krahasim me një ditë më parë.

Qytetarët në këtë pikë kufitare po presin deri në gjysmë orë për të hyrë në territorin e Kosovës, derisa ata që dalin nga territori ynë nuk presin më shumë se dhjetë minuta.

Të dhënat e fundit që vijnë nga Qendra Kombëtare për Menaxhimin e Kufirit (sot ora 10:04) tregojnë se situata në pikat tjera kufitare është normale dhe se nuk ka kolonë të madhe të automjeteve, transmeton Indeksonline.

Përveç Merdares ku kolona është rreth 200 metra e gjatë, te Dheu i Bardhë ajo është 30 metra, ndërsa në pikat tjera nuk ka fare pritje.

Rikujtojmë se një numër i madh i mërgimtarëve tashmë kanë arritur në Kosovë për festat e fundvitit.