Qeveria merr vendim, Limaj ngarkohet t’i koordinoj politikat ekonomike mes Kosovës dhe Shqipërisë

Me qëllim të thellimit të bashkëpunimit të mëtutjeshëm rajonal dhe mbikëqyrjes së zbatimit të marrëveshjeve ndërshtetërore, Zëvendëskryeministri i Kosovës, Fatmir Limaj, është vendosur që në emër të Qeverisë se Kosovës të udhëheqë dhe të koordinoj me politikat ekonomike ndërmjet Kosovës dhe Shqipërisë.
Ky vendim është marrë në mbledhjen e sotme të Qeverisë se Kosovës.
Kjo detyrë e re i është dhënë Limajt me qëllim të thëllimit të bashkëpunimit të mëtutjeshëm rajonal dhe mbikëqyrjes se zbatimit të marrëveshjeve ndërshtetërore.

“Zëvendëskryeministri Limaj, ngarkohet për Organizmin e Mbledhjeve të përbashkëta me Këshillin e Ministrave të Republikës së Shqipërisë dhe organizimet e mbledhjeve tjera eventuale”, thuhet ndër të tjera në vendimin e sotëm të mbledhjes se Qeverisë.

Kësisoj, Limaj do merret edhe me koordinimin ndërministror të qeverisë . Ndryshe, më 27 nëntor të këtij viti do të mbahet një mbledhje e përbashkët e dy qeverive shqiptare në Korçë të Shqipërisë.