Juventusi vazhdon të jetë njëra nga skuadrat më aktive në tregun e futbollistëve gjatë secilës merkato.

“Zonja e Vjetër” tani ka filluar të “peshkojë” në Portugali, aty ku po kërkon me ngulm talentin e Benficas, Joao Felix, shkruan GazetaBlic.

Ky i fundit po kërkohet nga të shumica e klubeve elitare evropiane, me klubet e Manchester’it diçka më aktive.

Por si duket kampionët aktual italian kanë hyrë fuqishëm në garë për t’i siguruar shërbimet e tij. Madje thuhet se torinezët tashmë kanë dërguar edhe ofertën e parë prej 100 milionë eurove, 20 milionë më pak sesa klauzola e futbollistit.

Gjithsesi mbetet të shihet sesi do të rrjedhin gjërat në afatin kalimtar të verës, kurse ne do t’iu raportojmë për çdo ndryshim eventual.