Historia e Konflikteve Enver Sekiraqa- Triumf Riza

Gjykimit të rastit Sekiraqa i erdhi fundi me një dënim prej 37 vjet burg për të. Një proces maratonik me shumë dëshmitarë dhe shumë polemika në sallën e gjyqit zbërtheu historinë deri më tani të panjohur të njërit ndër konflikteve më të mëdha në Prishtinën e pasluftës: atij ndërmjet Enver Sekiaqvs dhe Triumf Rizës së ndjerë. U përmend politika dhe u përzie edhe estrada…

Kjo ishte vetëm njëra nga teoritë që mbrojtja e Sekiraqës e paraqiti para trupit gjykues që nga tetori i vitit 2014 kur filloi njëri nga proceset më të përfolura në Kosovë.

Mbrojtja e Sekiraqës e përbërë nga Kelmendi dhe avokati slloven Bostjan Penko, në gjykatore thanë se Triumf Riza u vra nga Arben Berisha për motive personale të Berishës, ndërsa mohuan kategorikisht se Sekiraqa ishte i përfshirë në vrasjen e policit Riza.

Ku dhe Si ja Nisi ?

Disa dëshmitarë që treguan dëshminë e tyre para gjykatës, ndër të cilët, Shefqet dhe Visar Riza, babai dhe vëllai i të ndjerit Riza thanë se e gjithë historia tragjike ka një datë, (edhe pse ajo asnjëherë nuk u tha e saktë), afër rrethit tek shkolla e mjekësisë në Prishtinë, viti 2000 ose 2001.

Triumf Riza së bashku me disa policë të UNMIK-ut po bënte një patrullim të zakonshëm, aty Riza ndali një veturë, ndërsa sipas prokurorisë, në veturë ishte Enver Sekiraqa dhe ky përbënte takimin e parë, të shumë takimeve (jo-miqësore) që do të pasonin mes Triumf Rizës dhe Enver Sekiraqës.

Gjithnjë sipas këtyre dy dëshmitarëve, Sekiraqa si një tip i vështirë dhe me gjithë reputacionin e tij, nuk e priti aspak mirë këtë ndalim prej policisë, ndërsa me një granatë dore kërcënoi policin Riza.

Sekiraqa në anën tjetër, gjatë gjithë procesit e kontestoi ashpër këtë ekzistencën e kësaj ngjarje, ai dhe mbrojtja e tij thanë se ky incident që prokuroria e paraqet si zanafillën e problemeve, në fakt, nuk ekzistoi asnjëherë.

Për dallim prej kësaj ngjarje ekzistenca e të cilës vihet në pikëpyetje, në kronologjinë e problemit mes Triumf Rizës dhe Sekiraqës, prokuroria paraqiti një aktere tjetër, Adelina Ismajlin.

Adelina Ismajli, në historinë mes Triumf Rizës dhe Enver Sekiraqës ka rolin kryesor, sepse sipas prokurorisë, fakti që Adelina ishte e dashura e Enver Sekiraqës dhe më pas krijoi një lidhje me të ndjerin Triumf Riza, nuk u harrua asnjëherë nga Sekiraqa.

Mbrojtja e Sekiraqës nuk e kontestuan se asnjërën lidhje por thanë para trupit gjykues thanë se Sekiraqa nuk kishte aspak mëri ndaj Rizës për këtë arsye.

“Edhe një e dashur tjetër e Sekiraqës, më pas u bë e dashura Besnik Hasanit, por Sekiraqa asnjëherë nuk e tentoi ta lëndojë atë”, tha Kosovare Kelmendi në fjalën e saj përfundimtare.

Sidoqoftë, Adelina Ismajli, diva e estradës Kosovare, bëri të pamundurën që roli i saj në këtë histori të mbetet i paditur.

Ismajli që në Kosovë në artin e këngës theu shumë tabu gjatë performimeve të saj me vallëzimet dhe shfaqjet e saj ekstravagante, e me tekstet intriguese të tilla si “Ushtrinë time do ta bëjë me Ibrahim Rugovën”, nuk ishte aspak e tillë në gjykimin ku po gjykohej një person që u përfol si i dashuri i saj, e që akuzohej për nxitjen e vrasjes së një tjetër personi që u përfol po ashtu si i dashuri i saj.

Ismajli, fillimisht kërkoi që dëshminë e saj ta jep në seancë të mbyllur, ajo mandje kërkoi që edhe i akuzuari Sekiraqa të mos jetë i pranishëm, e përderisa kërkesa e parë ju aprovua e dyta ju refuzua.

Konflikti që rezultoi edhe me përleshje me armë ku pati edhe të plagosur, ndodhi në krishtlindjet e vitit 2005.

Në këtë konflikt sipas prokurorisë u përfshinë disa pjesëtarë të grupit “Sekiraqa”, në njërën anë dhe Triumf Riza me shoqëruesit e tij në anën tjetër.

“Nuk ja fali kurrë që nuk e vrau kur kishte mundësi”, tha Shefqet Riza në dëshminë e tij, duke thënë se Triumfi nuk e bëri këtë sepse kishte shpirt sportisti.

“Mund të them se në njëfarë mënyrë më ka shpëtuar jetën”, tha Sekiraqa duke u përgjigjur për këtë incident.

Gjithnjë sipas prokurorisë, Arben Berisha më 30 gusht 2007 tërhoqi këmbëzën e revoles e cila prapa shpinës vrau Triumf Rizën, që prokurori Carner e cilësoi “njeri të guximshëm”, por që sipas Carney, Enver Sekiraqa ishte ai që organizoi, planifikoi dhe urdhëroi këtë vrasje.

E pakontestueshme pas vrasjes së Triumf Rizës ishte se pas vrasjes së Triumf Rizës, u bastisën lokali “Sekiraqa Bar”, ndërsa pranueshmëria e provave të gjetura në këtë lokal u diskutua për kohë të gjatë.

“Llogarite se ka me të mbet vetëm një djalë, sepse Enverin kemi me vra”, tha një e afërme e Sekiraqës në dëshminë e saj, teksa mbrojtja e Sekiraqës nga frika se do të vritej, Sekiraqa u arratis për tu dorëzuar tek pas disa vitesh.