Ishte lideri shpirtëror i Vetëvendosjes, Albin Kurti, ai i cili ia nisi të thurte poezi me rima, teksa mbante fjalime në tubimet gjatë fushatës për zgjedhjet e së dielës.

Por, ngjashëm ka filluar të veprojë edhe kryetari i Këshillit Kombëtar të partisë Nisma, Jakup Krasniqi, veçse ai, dy ditë pas përfundimit të zgjedhjeve.
Krasniqi ka vendosur që përmes poezisë, të shprehë situatën siç e quan ai, “kohë sallamadie”.

Ndonëse aktualisht partia e tij është pjesë e Qeverisë, Krasniqi zgjedh që ta qortojë, duke thënë se besimin e morën ata që sollën vuajtje dhe paperspektivë.

Shkrimi i tij i plotë:

Po shprehem edhe në formë poezie, për ketë kohë sallamadie?!

ÇUDI MBI ÇUDI

Katër vjet vajtuan

Rrugën e ikjes morën

Thanë e ç’nuk thanë

Perspektivë nuk panë

Nga këta qever-isës!

Pas katër vitesh

Gjithçka u harrua

Dhe si somnambulë

Besimin ua dhamë përsëri

Atyre që na sollën

Vuajtje dhe paperspektivë

Në atdheun e shqipeve!

Jo s’është mahi

Me tonin njeri

Çudi mbi çudi