Ish-nënkryetari i Komunës së Prishtinës, Dardan Sejdiu ka thënë se shtabi i kryetarit aktual të Prishtinës, Shpend Ahmeti, është i gatshëm që debatin e radhës ta mbajë në KTV.

Ai ka bërë të ditur se një debat i tillë mes Ahmetit e Arban Abrashit të LDK’së do të mbahet në pjesën e dytë të javës, shkruan Periskopi.Lexoni të plotë publikimin e tij:

Mbrëmë u mbajt debati i parë mes Kryetarit Shpend Ahmeti dhe kandidatit të LDK-së Arban Abrashi, debat ky që zgjati plot 3 orë.

U debatua për 10 tema të rëndësishme të Prishtinës.Kandidatin e LDK-së e kemi pritur në 4 debate të tjera, në të cilat nuk ka ardhur, dhe tani jemi në ditët e fundit të fushatës, me një axhendë të ngjeshur me tubime e aktivitete.Si shtab i Kryetarit Shpend Ahmeti, jemi të gatshëm që debatin e radhës ta mbajmë në KTV, dhe jemi në pritje të takimeve për të aranzhuar terminin dhe formatin e debatit që do të mbahet në pjesën e dytë të javës.