Presidenti amerikan, Donald Trump ka në dispozicion një nga arsenalet më të mëdha bërthamore në botë. Dhe këto armë janë vetëm një thirrje larg, nëse presidenti përdor “çantën e emergjencës së presidentit amerikan” – të ashtuquajtur “futbolli bërthamor”.

Sipas mediave të huaja, udhëtimi nëpër Azi, i shoqëruar edhe me të tjerë përfaqësues të Shtëpisë së Bardhë, do të “shoqërohet” edhe nga “urdhërdhënësi shkatërrues”, në çdo kohë.

I bartur me kujdes nga një ushtar, çanta e lëkurës peshon 20 kg dhe përmban kodet bërthamore “Gold”, duke detajuar planet për një sulm apo një kundër-sulm.

Sipas mediave, tensionet e luftës bërthamore kanë arritur nivele të reja këtë vit, pas kërcënimeve të ndërsjella SHBA – Koreja e Veriut, ndërkohë që Kina dhe Rusia shikojnë me nervozizëm.

Nëse kriza do të thellohej dhe nëse do të ishte e nevojshme, pajisja e tij ushtarake do të hapej dhe Presidenti i SHBA-ve do të ketë vetëm disa momente për të studiuar dokumentet para ose konfirmimin ose ndalimin e një sulmi bërthamor.

Pasi Trump të vendos të dërgojë kodet bërthamore, ekipet e ICBM do të jenë të gatshëm për të nisur raketat në vetëm 60 sekonda.

Dhe pasi Presidenti i SHBA-ve jep urdhër, nuk ka asnjë në botë që ka autoritetin për ta ndaluar atë.