fbpx

ARRIHET MARRËVESHJA PËR MEÇIN JOSHUA – PARKER – KJO ËSHTË DATA

  09 Dec 2017

Bob Arum, një nga promotorët më të rëndësishëm të boksit, ka konfirmuar sot se është arritur marrëveshja mes boksierit britanik Anthony Joshua dhe atij neo-zelandez Joseph Parker për t’u përballur mes tyre, sfidë që do të zhvillohet më 31 mars në Britaninë e Madhe (në Kardif).

Jo vetëm kaq, por palët kanë gjetur marrëveshjen edhe për sa i përket të ardhurave që dy boksierët do të përfitojnë nga kjo përballje, që unifikon titujt kampionë bote në peshat e rënda. Joshua do të marrë 66.6% të fitimit, ndërsa Parker 33.3% të të ardhurave.

“Mendoj se ka qenë një marrëveshje e mirë financiare edhe për shkak se Joshua mban dy tituj kampionë bote (IBF dhe ËBO), ndërsa Parker një (ËBA). Unë besoj se së shpejti do të kemi zyrtarizimin e këtij dueli. Parker ka shumë shanse për ta fituar këtë sfidë edhe pse Joshua është favorit, ndaj besoj se do të jetë një përballje e fortë”, u shpreh Bob Arum, që i ka befasuar të gjithë me këtë deklaratë, shkruan Telesport.

Palët kishin kohë që bisedonin për një marrëveshje, por nuk gjenin gjuhën e përbashkët për sa i përket të ardhurave, por tashmë duket se gjithçka është gati.