fbpx
Abdixhiku godet liderët shtetërorë: Përmend punësimet pa “kunkurim”, ka disa fjalë edhe për liberalizimin

Abdixhiku godet liderët shtetërorë: Përmend punësimet pa “kunkurim”, ka disa fjalë edhe për liberalizimin

  17 Mar 2019

Deputeti i Lidhjes Demokratike të Kosovës, Lumir Abdixhiku ka reaguar ndaj deklaratave të tipit” Bëhuni patriot ju të rinjtë” dhe “Mos e lëshoni Kosovën”, raporton Gazeta Blic.Abdixhiku ka shkruar se personat që thonë deklarata të tilla po u japin këtyre të rinjëve Ministra të dënuar për krim.Ka thënë se “ja hedhin drejtësisë sepse aty kanë vendosur shokë që s’kishin “kunkuru” asnjëherë”

Siç shkruan Abdixhiku, edhe ato pak vende të punës që liderë të vendit po i krijojnë, po ua ndajnë fëmijëve të tyre.Nuk ka lënë pa përmend edhe, siç ai thotë, mashtrimin e parasë publike edhe me rastin e Pavarësisë së Kosovës.Më poshtë postimi i plotë i tij:

Bëhuni patriot ju të rinj thonë.
Mos e lëshoni Kosovën po thonë.
– Porse në këtë Kosovë, po të njëjtit u japin këtyre të rinjëve Ministra të dënuar për krim. Nga gjykatorja – gojën vesh më vesh – drejtë e në Qeveri. Ja hodhëm drejtësisë. Çfarë shembulli i trishtueshëm për këta të rinj.

– Ja hedhin drejtësisë sepse aty kanë vendosur shokë që s’kishin “kunkuru” asnjëherë. Të tjerët që s’i kishin vendosur aty, i ndoqën me kërcënim. Shokë si aty kanë vendosur edhe në shëndetësi, edhe në arsim, edhe në KEK, RTK, PTK, polici e intelegjencë. Nuk ka vend që s’e kanë prekë e flliqë. Kësaj i thonë zaptim.

– Ato pak vende pune që bëhen në këtë Kosovë u ndajnë fëmijëve të vet. Më pas grave e burrave të tyre; kunatave e miqve që kanë – akrabave rend, deri sa s’u mbetet kush pa një vend. Dhe të shikojnë drejt në sy e të thonë “ishin më të zot, s’kishim asnjë ndikim ne”.
– Në festën më të rëndësishme të shtetit për këta të rinj, atë për pavarësi, vendosin të mashtrojnë në lapsa, flamuj, ushtri e deklarata për pavarësi. S’u ikën asnjë cent. Këta lapsin se shohin për shkrim; e shohin si mjet për “me e zhbi”.

– Liberalizimin që e premtuan për 30 ditë s’po e bëjnë as për 2 vjet. Këta të rinj që i shfrytëzuan për kauza karrige, i mbajnë tash të mbyllur në një burg masiv. Vet, ndërsa, me fëmijë e pasaporta dyshtetësie shëtisin lirshëm nëpër Evropē. Dhe atë në udhëtime më eksluzive.

Nga paratë?!
– 53 milionë Bechtelit e 52 milionë ujit, “50 e kusur milionë” duhanit, kazinove, e kujt jo tjetër – janë bërë tashmë brend. Hajnia e mashtrimi kanë marrë përmasa multimilionëshe. 50 e sa milionëshe saktësisht.

Të rinj, këta veç për një gjë kanë të drejtë. Kosovën s’duhet lëshuar asnjëherë. Por Kosovën nga ta duhet çkapur me themel. Sepse kështu e kapur siç është, ajo s’jep as shpresë e as vullnet.