Jo vetëm 24 blinda nga Amerika ishin për Ushtrinë, shihni mjetet e reja ushtarake që do të vinë


Forca e Sigurisë së Kosovës (FSK), do të pajiset edhe me 27 autoblinda tjera të tipit “HMMWV”.

Ditëve të fundit në Forcën e Sigurisë së Kosovës ka ardhur një kontingjent prej 24 automjeteve të blinduara amerikane të tipit “HMMWV”, shkruan lajmi.net.

Këtë e ka konfirmuar Ibrahim Shala, zëdhënës i Ministrisë së Forcës së Sigurisë së Kosovës.

Shala ka thënë për lajmi.net, se këto automjete ushtarake janë blerë nga buxheti i Kosovës mirëpo, nuk ka treguar vlerën e tyre.

Tutje, Shala ka treguar se FSK-ja do të pajiset edhe me 27 automjete të tilla në fillim të vitit 2019.

“Ky kontingjent është nga kontrata e blerjes kurse në fillim të viti të ardhshëm do të vije kontingjenti tjetër prej 27 HMMËV që është donacion nga SHBA-të”, ka treguar Shala.

Ndryshe në korrik të këtij viti, Qeveria e Kosovës kishte nënshkruar kontratë me Shtetet e Bashkuara të Amerikës për blerjen e 51 autoblindave të tipit “HMMËV”, por as Qeveria nuk ka bërë të ditur vlerën e kësaj kontrate.

Policia e Kosovës jep shpërblim 5 mijë euro nëse i gjeni këta persona

Policia e Kosovës në një komunikatë për media ka bërë të ditur se është në kërkim të tre personave të dyshuar për kryerjen e veprës penale “Grabitje”. Tre të dyshuarit janë identifikuar nga ana e Policisë, mirëpo kjo e fundit kërkon ndihmën e qytetarëve për t’i gjetur dhe për këtë do të shpërblejë me 5 mijë euro personat që ndihmojnë në kapjen e tyre.

Deri tani policia ka identifikuar dhe i ka futur në kërkim policor tre persona të dyshuar për të cilët ekziston dyshimi i arsyeshëm se të njëjtit mund të jenë të implikuar në rastet e grabitjeve që po hetohen.

“Policia e Kosovës është duke punuar në mbledhjen dhe analizimin e të gjitha fakteve dhe dëshmive relevante për të zbuluar sa më parë këto raste dhe të sjellë të dyshuarit para drejtësisë. Megjithatë, për lokalizimin sa më të shpejtë të kryesve të këtyre veprave penale, Policia kërkon ndihmën e qytetarëve, që mund të kenë informacion për vendndodhjen e tyre dhe për këtë ofron shpërblim 5.000 (pesëmijë) euro”, thuhet në komunikatë.

Kjo kërkesë është bërë në konsultim dhe koordinim me Prokurorin e rastit dhe kryeprokurorin e Prokurorisë Themelore në Prishtinë, pasi që të njëjtit këta persona të dyshuar, konsiderohen me rrezikshmëri të lartë dhe aktualisht gjenden në arrati.

Andaj për ta ndihmuar lokalizimin e vendndodhjes së tyre si dhe për ta mundësuar kapjen e tyre policia kërkon bashkëpunimin e të gjithë qytetarëve. Çdokush që ka informacion për ta, t’ia kaloj ato policisë përmes linjave emergjente 192 ose në info@kosovopolice.com.

Policia e Kosovës për qytetarët që ofrojnë informacion, do të garantoj konfidencë të plotë.

Emrat dhe fotografitë e të dyshuarve janë në vijim:

– Kastriot (Xhevat) Shala i lindur me datë 30.07.1995, me banim në fshatin Trudë të Prishtinës.

– Leutrim (Rrahman) Latifi i lindur me datë 27.08.1992 me banim rruga Vushtrrisë nr; 64 Prishtine.

– Ridvan (Rexhep) Ademi i lindur me datë 11.08.1989 me banim në fshatin Dobratin të Podujevës.

Keni probleme me erën e keqe të këmbëve? Ja zgjidhja

Era e keqe e këmbëve është një gjendje e zakonshme që ndodh për arsye mjekësore.

Një ndër shkaqet e erës së keqe është djersa, e cila shkakton rritjen e baktereve në lëkurë.

Këto baktere shkaktojnë erë të keqe. Infeksionet e kërpudhave mund të çojnë gjithashtu në bromodozë ose ndryshe era e keqe e këmbës.

Lajmi i mirë është se, bromodoza është e shpejtë dhe e lehtë për t’u trajtuar.

Më poshtë do të lexoni disa këshilla nga Living se si të eleminoni erën e keqe të këmbëve.

-Mbajini këmbët pastër.

-Përdorni sapun dhe një furçë të butë për t’i larë këmbët një herë në ditë, minimumi.

-Lajini më mirë në mëngjes ose në mbrëmje para se të flini.

-Pastroni mirë mes gishtave, pasi aty shkaktohet dhe mban më shumë erë të keqe.

-Ndryshojini çorapet të paktën 1-2 herë në ditë.

-Ndërrojini përditë këpucët tuaja.

-Mos vishni çorape që thithin lagështirë.

-Shmangni këpucët që janë të ngushta ose mund të mbajnë lagështi.

-Merrni pak pambuk dhe alkool dhe pastroni këmbët tuaja çdo natë para se të flini.

-Lyejini këmbët tuaja edhe me kolonjën që përdorni për mjekrën ose deodorant.

-Lajini këmbët me sapunë antifungal, antibakterial.

-Për të larguar erën e keqe, përdorni listerinë ose uthull.

Zbulohet data e revanshit Wilder-Fury

Revanshi i peshës së rëndë mes boksierëve Deontay Wilder dhe Tyson Fury do të zhvillohet në pranverën e vitit 2019 dhe palët synojnë që kjo sfidë e dytë mes dy kampionëve të pamposhtur të ringut të zhvillohet më datën 13 prill (vendi ende nuk dihet). Lajmin e ka konfirmuar sot promotori i boksierit britanik, që tha se palët janë ulur në bisedime për të zhvilluar edhe një përballje të dytë, pas suksesit që pati sfida e parë, e mbyllur në barazim.

Interesant fakti se 13 prilli është e njëjta datë kur do të duelojë edhe kampioni tjetër i botës në peshën e rëndë, Anthony Joshua, në stadiumin “Wembley” të Londrës (ende nuk dihet rivali). Duket se Wilder dhe Fury duan t’i bëjnë karshillëk Joshua, duke qenë se sfida e tyre ka shumë më tepër shikues dhe PPV (pay per view-paguaj për ta parë). Gjithsesi, për momentin gjithçka është ende e pakonfirmuar zyrtarisht, pasi palët janë ende në bisedime.

TAKSA 100%, MINISTRI I JASHTËM GJERMAN KA NJË KËRKESË PËR KOSOVËN

Ministri i Jashtëm gjerman, Heiko Maas, të martën ka kërkuar nga Kosova që të shfuqizojë, ose së paku të suspendojë zbatimin e taksës 100 për qind që Prishtina e ka vënë ndaj mallrave serbe, duke paralajmëruar kundër çdo eskalimi të mëtejmë të tensioneve.

Maas, duke folur në Paris në një takim për kufizimin e shpërndarjes së armëve të vogla nga Ballkani, ka thënë po ashtu se ndien keqardhje për dorëheqjet e kryetarëve të komunave me shumicë serbe në veri të Mitrovicës, raporton Reuters.

“Eskalimi i mëtejmë duhet të parandalohet urgjentisht”, tha Mass, transmeton Koha.net. “Sukseset e dialogut për normalizim duhet të ruhen”, theksoi ai.

SHTETI QË NUK E KA NJOHUR KOSOVËN, POR BEFASON ME MBËSHTETJE PËR VIZA

Dy vendet më të fuqishme të Bashkimit Evropian, Gjermania dhe Franca nuk ishin të gatshëm të diskutonin çështjen e Ballkanit Perëndimor dhe Kosovës në debatin e të hënës në takimin e Këshillit të Ministrave të BE-së.

Kroacia dhe Lituania kanë folur pozitivisht në lidhje me vizat e kosovarëve, por ka befasuar Greqia e cila edhe pse nuk e ka njohur shtetin e Kosovës ka folur pozitivisht, raporton IBNA.

Në këtë diskutim, Spanja ka kërkuar një zgjidhje për faktin se ky vend nuk e njeh pasaportën e Kosovës. Por, kundërshtari kryesor i këtij procesi, Holland, ka kërkuar më shumë kohë, shkruan Insajderi.

Kreu i diplomacisë evropiane ka thënë që rritja e taksës prej 100% ndaj Serbisë duhet të hiqet si dhe sipas tij nuk i kontribuon fare dialogut mes dy vendeve.

Ndërkohë, Ministri i Jashtëm i Sllovakisë Miroslav Lajçak tha se krijimi i Ushtrisë së Kosovës bie nën kompetencat e NATO-s, por theksoi se BE do të donte që kjo të jetë në përputhje me Kushtetutën dhe ligjet në fuqi./Insajderi.com

Ish-komandanti i UÇK-së: Ishalla nesër fillon lufta

Ish-komandanti i UÇK-së, Ajvaz Berisha ka uruar që nesër të nis lufta, duke komentuar në një shkrim të Insajderit, ku në të tregohen profilet kriminale të mercenarëve serbë që rrezikojnë destabilizimin e Veriut të Kosovës.

Berisha ka thënë se ishalla nesër fillon lufta, duke shtuar se do të shohim se a jeni trima me ata, si me ne.Sponzor

“Shumë bukur, normal që këta janë patriotë dhe i mbështetë populli. E ju media tona s’keni lënë gjë të zezë pa shpifur për çdo komandat e ushtar. Tash ishalla nesër fillon lufta ta shohim a jeni trima me ata, si me ne”, ka shkruar Berisha.

Insajderi ka zbuluar se ekziston një grup kriminal, i cili është i përgatitur për destabilizuar pjesën veriore të Kosovës. Ai ka edhe përkrahjen e funksionarëve të lartë të shtetit serb.

Grupi është i përbërë nga kriminelë e mercenarë serbë, të cilat kanë marrë pjesë në luftën e Krimesë përkrahë forcave ruse. Disa prej tyre kanë qenë edhe paramilitarë në luftën e Kosovës.

Ata janë njerëz me përvojë në institucionet e sigurisë së Serbisë dhe përfitues të beneficioneve shtetërore. Shumica prej tyre janë veteran të Serbisë. Po ashtu, ata kanë afërsi me struktura të larta politike dhe të sigurisë.

Ja çfarë shkruajnë mediat amerikane për formimi e Ushtrisë së Kosovës

Mediat amerikane i kanë kushtuar një vëmendje të madhe krijimit të ushtrisë së Kosovës.

Më 14 dhjetor me fillim prej orës 10:00, do të mbahet seanca plenare e Kuvendit të Kosovës për transformimin e FSK-së.

Në këtë seancë pikë e rendit të ditës është: Shqyrtimi i dytë i Projektligjit për Ministrinë e Mbrojtjes, Shqyrtimi i dytë i Projektligjit për Forcën e Sigurisë së Kosovës, Shqyrtimi i dytë i Projektligjit për shërbim në Forcën e Sigurisë së Kosovës.

Mediat amerikane i kanë kushtuar një vëmendje të veçantë formimit të ushtrisë së Kosovës, por edhe deklaratës së kryeministrit të Kosovës, Ramush Haradinaj, i cili ditë më parë ka deklaruar se ushtria e Kosovës do t’i shërbejë paqes në botë.

Së fundi, “The Washington Post” i ka dhënë hapësirë kësaj deklarate, duke shtuar edhe informatën se ligjvënësit në Kosovë, të premten e 14 dhjetorit do t’i japin dritën jeshile ligjeve që i japin FSK-së, mandatin e Forcës Mbrojtëse.

Ky medium e citon agjencinë e lajmeve Associated Press, e cila më parë publikoi lajmin.

Po ashtu lajmi mori dhenë edhe nga ABC News, WGEM, Charlotte Observer, e të tjera.

Ndryshe, Shtetet e Bashkuara të Amerikës i kanë dhënë përkrahje formimit të ushtrisë së Kosovës, duke premtuar edhe një ndihmë prej 10 milionë eurosh në makineri, derisa vendet evropiane janë ende skeptike nëse Kosova duhet ta marrë një hap të tillë.

Kujtojmë se më 14 nëntor në ditën kur do të mbahet seanca plenare e Kuvendit për transformimin e FSK-së, po atë ditë në ora 17:00 në Ministrinë e FSK-së do të mbahet edhe ceremonia. /Lajmi.net/

Kjo ishte e dashura e Ramush Haradinajt para se ai të lidhej me Anitën

Çifti Haradinaj janë martuar para shumë vitesh dhe kanë tre fëmijë.

Ju të gjithë e njihni bashkëshorten e Ramush Haradinajt, Anitën.Ata janë njoftuar gjatë kohës sa Anita ishte gazetare kurse Ramushi kryetar i AAK-së.

Nga takimet zyrtare nisi edhe lidhja mes tyre që u kurorëzua me martesë.

Por para se të dashurohej me Anitën, Haradinaj kishte një të dashur tjetër me të cilën kishte mbajtur lidhje të gjatë, shkruan Magazina.al

Haradinaj u njoftua me Joanna Carsson me të cilën krijuan një lidhje e cila zgjati për disa kohë.Siç ka treguar vet në librin “Rrëfimi për luftën dhe lirinë”, ka bashkëjetuar me Joannën.

Madje lidhja mes tyre nuk është shkëputur as kur Haradinaj la perëndimin dhe erdhi në Kosovë për t’iu bashkuar luftës për liri.

Në fotografitë e publikuara në librin e shkruar nga Bardh Hamza shihet se e dashura edhe gjatë luftës ka ardhur dhe ka takuar Komandantin e Zonës Operative të Dukagjinit.

Lidhja mes Haradinaj me Carsson ka vazhduar edhe pas luftës, por më pas ajo ka marrë fund.

Tash çifti Anita dhe Ramushi kanë krijuar një lidhje të përsosur duke u bërë model edhe për të tjerët.

“Messi Airlines”: Këto janë pamjet nga aeroplani privat i Messi

Lionel Messi ka personalizuar një aeroplan, i cili ka pamje të mrekullueshme.

Si një nga lojtarët më të mirë në historinë e futbollit, argjentinasi meriton të udhëtojë në kushte speciale.

Një kompani argjentinase ka bërë një aeroplan për Messin dhe familjen e tij. Ky aeroplan përfshinë një kuzhinë, dy banjo  dhe 16 ulëse të cilat mund të bashkohen për të krijuar tetë shtretër, shkruan “Goal”, transmeton lajmi.net.

Gjithashtu në shkallët e aeroplanit janë të shkruar emrat e familjes së yllit të Argjentinës.

Në anën tjetër, Messi tregoi të shtunën e kaluar se ende është prej lojtarëve më të mirë në botë, kur mahniti të gjithë audiencën e futbollit me paraqitjen e tij kundër Espanyol.