Fitorja ndaj Malit të Zi, opsion i vetëm të ec tutje Kosova

Kosova në ndeshjen e së hënës ndaj Malit të Zi duhet të shënojë fitore në mënyrë që t’i afrohet vendit të parë e të dytë të grupit A, e fitorja ndaj Republikës Çeke pastaj mund të kualifikojë Dardanët për kampionatin Europian.

Kosova do ta ketë shumë të vështirë kualifikimin në Euro 2020 prej ndeshjeve që po zhvillohen në kuadër të fazës së grupeve.

Fitorja e mbrëmshme e Republikës Çeke 2-1 ndaj Anglisë, ka vështirësuar punët e Dardanëve për ta marrë një biletë për Kampionatin Evropian.

Aktualisht gjendja në Grupin A është tejet e turbullt, me Anglinë në vendin e parë me 12 pikë, aq sa kanë edhe çekët, tanët në vendin e tretë me tetë, Mali i Zi dhe Bullgaria me nga tre sosh.

Më 14 tetor, Dardanët do të udhëtojnë për te Republika e Çekisë e që edhe këtu duhet të fitojmë patjetër.

Më 17 nëntor, Kosova do ta pret Anglinë, derisa në këtë përballje na duhet një barazim, ndërsa fitorja do na kryente shumë punë.

Nëse Përfaqësuesja jonë nuk arrin ta bëjë këtë gjë, atëherë mundësia e fundit është përmes Ligës së Kombeve, ku aty do të takohemi në marsin e vitit 2020 me Maqedoninë, gjersa në rast se kalojmë në finale, do ta presim fituesin, Bjellorusi – Gjeorgji.