E tregon Shpend Ahmeti, kjo grua do ta udhëheqë Drejtorinë e Arsimit

Drejtorinë e Arsimit e ka udhëhequr Jonuz Salihaj nga AAK.

Kryetari i Prishtinës, Shpend Ahmeti, ka thënë se Shpresa Shala do të jetë drejtoreshë e Arsimit në Komunën e Prishtinës.

“Drejtoreshë e Arsimit do të jetë Shpresa Shala. Ajo ka qenë drejtoreshë në shkollën “Xhemajl Mustafa” dhe është e shkëlqyer në punën e saj. Shala ka pasur një bashkëpunim të shkëlqyer me Këshillin e Prindërve dhe Këshillin Drejtues të shkollës si dhe ka pasur rezultat të mirë te nxënësit”, ka thënë Ahmeti në emisionin “Ju flet Prishtina”

“Po mundohemi t’i avancojmë njerëzit e suksesshëm në pozita”.

Drejtorinë e Arsimit e ka udhëhequr Jonuz Salihaj nga AAK, por partia e tij para pak ditësh ka kërkuar lirimin nga detyra të tij.

AAK është në koalicion në Komunën e Prishtinës.