Molliqaj e quan koncert protestën e VV’së kundër Thaçit

Pa kauzë dhe koncert, e ka cilësuar Dardan Molliqaj protestën e VV-së që u mbajt kohë më parë kundër Thaçit.
Sipas tij, Vetëvendosja po e përdor protestën si tregim të fuqisë përballë partive tjera.

Molliqaj në një intervistë për Gazetën Insajderi ka thënë se protestat në të kaluarën kanë pasur kauza dhe qëndrueshmëri.

“Besoj që krejt që ka mbetur për protestën është sa veta ishin. Nuk ka kauzë më, në ditën që është kryer protesta ka përfunduar. Thaçi po vazhdon me idenë e vet, e sdi qa po bon VV-ja. Nuk bëhem pjesë e protestave në rast se nuk e shohim të qartë kauzën. Dua të besoj se protesta ka ndodhur kundër Thaçit, por qa po flasin pas protestës, po flasin për fuqinë e VV-së ndaj partive tjera”, deklaroi Molliqaj.

Tha se “me koncerte një herë në vit, nuk mund të ndryshohet situate”

“Ajo protestë nuk ka ndonjë rezultat, dhe nuk kemi më protesta. Nëse vendi thua që është gjysmë autoritar, dhe ka regjim e nën anën tjetër bën koncerte një herë në vit nuk besoj që është në përpuithje me këtë”, deklaroi Dardan Molliqaj.