Si do t’iu kompensohen paratë qytetarëve të Kosovës për rrymën e pagur në Veri, tregon Haradinaj

Haradinaj ka kërkuar sot nga ZRrE-ja, që në afat sa më optimal të gjendet mënyra e kompensimit të qytetarëve për ngarkesën e shtuar tarifore e aplikuar me vite të tëra.

Kjo ngarkesë pa të drejtë ishte aplikuar për mbulimin e humbjeve në komunat veriore për disa vite.

Haradinaj në emisionin “Argument Plus” të RTV21 ka treguar se si mund t’iu kompensohen paratë qytetarëve të Kosovës për rrymën e paguar për disa komuna veriore.

Kryeministri tha se ai insistoni që borxhi t’iu zbritet qytetarëve në faturat e ardhshme.

“Me fillu një periudhë, po e marrim që prej majit, kur ka qymyr me shumë, prodhohet energji më shumë, harxhohet më pak, atëherë me fillu për aq muaj ose për aq kohe sa duhet me ua zbrit këtë kuote (borxhin) qytetarëve”, tha Haradinaj.