Home Home
Category:

Home

Qeveria e Serbisë ka planifikuar të investojë miliona euro

në komunat me shumicë serbe në Kosovë.Kjo është konfirmuar edhe gjatë vizitës së fundit të presidentit të Serbisë, Alekandër Vuciq në pjesën veriore të Kosovës.

Qeveria e Serbisë nuk heq dorë nga Kosova. Për këtë edhe ka bërë një plan të investimeve duke ndarë buxhet të veçantë për 10 komunat me shumicë serbe në Kosovë.

Në zyrën për Kosovën në qeverinë e Serbisë, janë ndarë për secilën komunë se sa para dhe ku duhet të investohen.

10 komunat të cilat janë në planin e Beogradit për investime aktualisht udhëhiqen nga kryetarët serbë.

Mitrovica e Veriut, Kllokot, Partesh, Ranillug, Graçanica, Zveçan, Zubin Potok, Novobërdë, Leposaviq, Shtërpcë, këto janë komunat që Serbia e Kosova ndanë miliona euro.

Në kuadër të dialogut të Brukselit, Prishtina dhe Beogradi kanë arritur marrëveshje për integrimin e kësaj pjese në kuadër të sistemit ligjor-kushtetues të Kosovës, ku investimet përbënin një element të rëndësishëm.

Sipas planit të qeverisë së Serbisë, investimet më të mëdha do të bëhen për të punësuarit në arsim e në shëndetësi (71 milionë euro), për kompleksin ndërtimeve “Lugina e Diellit” (25 milionë euro), për “Trepçën” (13 milionë euro, si dhe hapjen e një fabrikë të baterive ku sipas planit të tyre aty do të punësohen nga 250 deri në 300 punëtorë.

Në Leposaviq parashihet të ndërtohet një fabrikë e peletit, si dhe shkollë bujqësore, së bashku me konvikt.

Në këtë komunë parashihet që të ndërtohen edhe një lagje për të gjithë serbet që duan të kthehen në Kosovë.

Në Leskoc sipas këtij plani nga Serbia parashihet të ndërtohet një fabrikë për riciklimin e mbetjeve.
Në Graqanicë, për Qendrën Spitalore (10 milionë euro) dhe për ujësjellësin (6 milionë euro)”.
Ndërkaq në Novobërdë parashihet të investohet në zhvillimin e turizmit dhe të bujqësisë.

Sipas të dhënave në Zyrën për Kosovën në Qeverinë e Serbisë investimet e Serbisë në këto komuna të banuara më shumicë serbe arrijnë shumën e rreth 200 milionë euro.

Ky plan erdhi pas vizitës që Presidentit të Serbisë Aleksander Vucici në Kosovë.
Qëllimi i vizitës së tij, ishte që t’i informoj të gjithë serbët që jetojnë në Kosovë se çfarë do të bëjë Beogradi për ta.

Sipas tij do krijohen kushtet më të mira për të qëndruar në Kosovë.

Marko Gjuriq, i ashtuquajtur, shefi i zyrës për Kosovën në qeverinë e Serbisë, tha se mbështet të gjitha investimet që përmirësojnë jetën e qytetarëve serb, që jetojnë në Kosovë.

“Në tetor do të mbahet një sesion i përbashkët i qeverisë serbe dhe përfaqësuesve serbë nga Kosova ku nga aty do të finalizohen të gjitha investimet për komunat me shumicë serbe në Kosovë. ne do të investojmë shumë në mjedis, shëndetësi, ekonomi, gjithçka që ka nevojë”, tha Marko Gjuriç.

Kujtojmë se për më shumë investime në komunat në veri të Kosovës, në vitin 2013 në bazë të marrëveshjes së përkohshme për doganat, të arritur në dialogun Kosovë – Serbi, ishte krijuar edhe Fondi i Mirëbesimit.

Pjesa veriore e Kosovës, që nga paslufta ka funksionuar mbi bazën e një sistemi paralel të organizuar nga Beogradi.

September 20, 2018 0 comment
0 Facebook Twitter Google + Pinterest

Kryetari i Këshillit Kombëtar të Nismës Socialdemokrate Jakup Krasniqi, konsideron se qeveria aktuale, pjesë e të cilës është edhe partia e tij nuk po e udhëheq mirë vendin. Në këto rrethana, ai nuk e ka mohuar se zgjedhjet mund të jenë si opsion i duhur.Megjithatë, karshi situatës së krijuar në vend, sipas Krasniqit partia e tij së shpejti do të dalë me një qëndrim, nëse do të vazhdojë edhe më tutje të jetë pjesë e kësaj qeverie apo të largohet.“Së shpejti do ta kemi qëndrimin tonë. Vetë gjendja në të cilën ndodhet vendi, tregon që nuk është e mirë kjo qeveri”, tha Krasniqi në emisionin “Rubikon” të KTV-së.

Marrë për bazë gjendjen në vend, sipas Krasniqit me liberalizim të vizave, do të ndodh edhe një valë e re e ikjes së qytetarëve, veprim ky i cili sipas tij do të sjell pasoja në vend.“Unë i frikësohem liberalizimit të vizave, do ta kemi një valë të ikjes. Kosova do të mbetet pa fuqi punëtore”, u shpreh ai.Kreu i Këshillit Kombëtar të NISMA-s, nuk e ka cilësuar si serioz paralajmërimin e partive opozitare për rrëzimin e kësaj qeverie përmes mocionit të mosbesimit, me arsyetimin se nuk janë të bashkuar.

“Unë mendoj që në rëndë të parë opozita nuk është e bashkuar. Një opozitë e bashkuar ka qenë vetëm në mandatin e kaluar”, tha ai.I pyetur për çështjen e demarkacionit të kufirit me Malin e Zi, Krasniqi ka mohuar ta ketë ndërruar qëndrimin e tij karshi kësaj çështje, përkundër faktit se deputetët nga radhët e NISMA-s kanë votuar “pro” ratifikimit të marrëveshjes.Pavarësisht faktit se ka kaluar një vjet prej kohës kur koalicioni qeverisës PDK-AAK-NISMA dhe AKR kanë formuar qeverinë, Krasniqi mohon të jetë takuar me kreun e ekzekutivit Ramush Haradinaj dhe Presidentin e shtetit Hashim Thaçi.

September 20, 2018 0 comment
0 Facebook Twitter Google + Pinterest

Shefi i Grupit Parlamentar të Lëvizjes Vetëvendosje, Glauk Konjufca, ka treguar se cilët janë aktualisht katër personat më të rëndësishëm në partinë e tij.


Konjufca ka thënë në emisionin “Pressing”, me Leonard Kerqukin, në televizionin T7, se ai është njeriu të cilin kreu i partisë, Albin Kurti, e takon më së shpeshti.

Ai ka vlerësuar se kjo është më se normale, për shkak të pozitës që ka në parti, si udhëheqës i deputetëve të VV’së në Kuvendin e Kosovës.

Konjufca ka thënë se janë katër persona që zhvillojnë takimet më të shpeshta brenda VV’së.“Unë, Albini (Kurti), Vlora (Haxhimehmedi), dhe Besnik Bislimi”, ka treguar ai.

September 20, 2018 0 comment
0 Facebook Twitter Google + Pinterest

Deputetja e Aleancës për Ardhmërinë e Kosovës, Time Kadrijaj ka zbuluar detaje rreth aktakuzës së veteranëve të rrejshëm, në listën e të cilëve u gjet edhe emri i saj. Kadrijaj ka thënë se ka mbetur e habitur kur ka parë emrin e saj në këtë listë.Ajo i ka lënë fajin Prokurorisë, e cila sipas saj është dashur të hetoj mirë faktet para se ta ngre aktakuzën.

Kadrijaj se nuk beson që emri i saj është ‘aksidentalisht’ në këtë listë, pasi se siç ka thënë ajo, për pjesëmarrjen e saj në luftën e UÇK-së, prokurori Blakaj kishte informata, madje të detajuara.Kjo për faktin se Blakaj për këtë gjë e kishte intervistuar specifikisht ish komandantin e UÇK-së, tash ministër i FSK-së, Rrustem Berishën.

“Unë spo muj me kuptu si ka ndodh, por më sa kam dëgjuar komandanti i brigadës “138 Agim Ramadani” tash ministër i FSK, Rrustem Berisha, pikërisht është marrë në pyetje për tre mjeket që kanë kontribuar në vijat e para të frontit, dhe që s’ju kanë nda luftës prej ditëve të para deri në fund, e që kanë qenë bashkë me mu……Prokurorisë i është besu një punë për çka është dashtë me korrektësi me kry, dhe është dasht me marr me seriozitet“, thotë ajo tutje për Blic.

Më poshtë e gjeni intervistën e plotë:

September 20, 2018 0 comment
0 Facebook Twitter Google + Pinterest

Këtë vit fakulteti i Mjekësisë është mbushur plot me regjistrime në degën e Infermierisë që në fazën e parë.

Kjo pasi shumë të rinj mendojnë të mbarojnë universitetin duke e parë si një mundësi shumë të mirë për t’u larguar në Gjermani.

Ky vend është kthyer tashmë në tokën e ëndrrave për shumë të rinj, të cilët e shohin si shpresën e vetme për të siguruar të ardhmen.

Mirëpo mjekët dhe infermierët nuk janë të vetmit profesione që Gjermania po na i merr me shumicë. Kjo pasi së fundmi veç bluzave të bardha, radhën për të shkuar në këtë vend e kanë berberët.

Shumë të rinj i janë drejtuar qendrave berberhane për të marrë këtë profesion e më pas për të shkuar drejt shtetit gjerman.

22-vjeçari Flogert Bami tregon për TCH:

Kam filluar kursin e berberit prej 5 muajsh. Kam edhe një muaj që të përfundoj kursin e plotë. Unë të ardhmen time e shoh në Gjermani, pasi shumë nga shokët e mi këtë kurs e ndjekin atje. Edhe unë e shoh si mundësi të mirë për të punuar atje. Pasi të mbaroj kursin e berberit, do të shkoj të mësoj gjuhën gjermane, kështu edhe ambasada mund të më lidhë një kontratë pune. Kam shumë shokë dhe ata më kanë rekomanduar që të mbaroj kursin dhe të shkoj në Gjermani. Paga varion nga 1000-1500 euro, varet nga salloni ku punon dhe qyteti.”

Numri i saktë i të rinjve me profesion berber që janë larguar në Gjermani nuk dihet, por ky është trendi i fundit. Më të kërkuarit në Gjermani janë infermierët, por edhe hidraulikët, elektricistët, specialistët e mirëmbajtjes, largimi i të cilëve po ndjehet.

Së shpejti mos t’ju vijë çudi kur në lagjet tuaja të mos gjeni berber për të prerë flokët.

September 20, 2018 0 comment
0 Facebook Twitter Google + Pinterest

Një video e shpërndarë në Youtube po kritikohet nga të gjithë duke u bërë shumë shpejt virale.

Një vajzë fton shoqen e saj të ngushtë në shtrat me të dashurin e saj.

Hape pamjen e mëposhtme dhe shikoje të plotë
Shumica e femrave bëhen paranoike nëse shoqja e tyre tërheqëse shfaq interesim në mashkullin e tyre.

Por ndryshe ndodh me Lenën,një përdoruese e interneti nga Kalifornia.

September 20, 2018 0 comment
0 Facebook Twitter Google + Pinterest

Komandanti i Kontingjentit Gjerman të KFOR-it, nënkolonel Eric Offermann, ka bërë të ditur se ky kontingjent do të largohet së shpejti zyrtarisht nga Prizreni dhe deri në fund të këtij viti do të zhvendoset në Prishtinë ku do të vazhdojë të japë kontributin për një ambient të sigurt dhe të qetë në Kosovë.


Ushtarët gjermanë, në kuadër të Ekipit Këshillues dhe Ndërlidhës të NATO-s (NALT), këshillojnë Forcën e Sigurisë së Kosovës dhe i përkrahin ata në zhvillimin e saj, në proceset e brendshme dhe në bashkëpunimin me autoritete civile, thuhet në një komunikatë për media të KFOR-it.

Offermann falënderoi qytetarët e Kosovës në emër të të gjithë ushtarëve gjermanë, të cilët kanë shërbyer në Prizren që nga viti 1999. Ai theksoi me këtë rast veçanërisht mikpritjen, bashkëpunimin dhe përkrahjen pa rezervë.

“Ne jemi krenarë me të arriturat, të cilat kemi mundur t‘i arrijmë vetëm së bashku me popullatën vendase. Qyteti i Prizrenit shumë ushtarëve gjermanë do t’u mbetet gjithmonë në kujtimet më të mira. Ju uroj gjithë të mirat për të ardhmen“, tha nënkolonel Dr. Eric Offermann.

September 20, 2018 0 comment
0 Facebook Twitter Google + Pinterest

Ka shumë shqiptarë që Hashim Thaçin e kanë shpallur tradhtar. “Tradhtar” i thonë në Kosovë, “tradhtar” i thonë në Shqipëri, “tradhtar” majtas, “tradhtar” djathtas, “tradhtar” kudo. Dhe nuk i del askush në mbrojtje. Nuk them t’i dalin në mbrojtje planit të tij, se atë plan nuk e njohim. Nuk e dimë se ç’plan ka. Thjesht dimë që ka përpjekje për të arritur te një plan, te një plan për mbylljen njëherë e mirë të problemeve mes serbëve e shqiptarëve dhe dimë që në thelb po kërkohet të arrihet te një plan, që nënkupton një sakrificë edhe nga pala shqiptare.

Përsëris: Nuk po them se duhet ta pranojmë symbyllazi planin e Thaçit, apo planin që i kanë parashtruar Thaçit. Jo, absolutisht jo. Në këtë histori, jo çdo plan mund të pranohet. Nuk mund të bihet dakord me çdo sakrificë. Por në të njëjtën kohë, përpjekjet për ta gjetur një zgjidhje duhet të përshëndeten. Dhe mjaft më me akuzat për tradhti. Nuk ka asnjë tradhtar në këtë mes.

Ka vetëm njerëz që në kokë kanë zgjidhje të ndryshme, ka njerëz që janë të gatshëm të bëjnë sakrifica të ndryshme për të arritur te paqja, ashtu siç ka njerëz që nuk janë të gatshëm të bëjnë asnjë sakrificë, s’ka gjë se me këtë ndjellin e përgatisin luftën. Këta të fundit merren rëndom për më patriotët, por nuk janë. Nuk them se janë tradhtarë, pasi këtë etiketë sapo e përjashtova. Thjesht thashë se nuk janë më patriotët. Bën vaki që më patriotët të jenë të tjerët, ata që ngjajnë si renegatë. Thaçi? Jo, nuk është e thënë.Nuk them se Thaçi është më patrioti. Sepse këtë gjë nuk e di. Thaçin nuk e njoh mirë. Dhe përsa i takon rastit konkret, nuk e di se çfarë ka në kokë. Por ideja për të gjetur një zgjidhje që na vendos në paqe me serbët njëherë e mirë, është këto kohë një ide e Thaçit dhe është një ide interesante. Është e vetmja ide interesante që ekziston në tavolinë. Idetë e tjera janë ide të konfrontimit, të urrejtjes, të armiqësisë. Idetë e tjera janë të atyre që shohin tradhtarë te kushdo që s’është me idetë e tyre.

Unë nuk kam qenë ndonjëherë ndonjë fan i Hashim Thaçit. Mund të thuhet që kam qenë një fan i Albin Kurtit. Por sot, midis Hashim Thaçit që ka hedhur me guxim një ide që duket e çmendur dhe Albin Kurtit që, bash për këtë arsye, e quan Hashimin një shërbëtor të Vuçiçit, unë jam me Hashimin. Në këtë pikë, Hashimi më duket më i ri, më novator, më i guximshëm në politikë. Ndërsa Albini dhe gjithë të tjerët, të cilët vijojnë të jenë të fiksuar pas idesë se shqiptarët janë përjetësisht të mirët e serbët janë përjetësisht të liqtë, më duken demode.

Edhe Vuçiçi, meqenëse e përmenda, ka të njëjtin problem që ka edhe Thaçi. E sulmojnë edhe atë si tradhtar. E sulmojnë të vetët në Serbi. Ky është një problem që e kanë veç në Ballkan. Dhe e kanë vetëm ata që mbrojnë ide të guximshme. Të tjerët nuk kanë probleme. Nuk kanë probleme ata që janë të aftë të denoncojnë tradhtarë pa pushim, nuk kanë probleme ata shqiptarë që bërtasin “Poshtë Serbia, poshtë Greqia!”, nuk kanë probleme ata serbë, grekë e maqedonas që bërtasin “Poshtë shqiptarët!”. Njerëz të tillë jo vetëm nuk kanë probleme, por janë të nderuar. Marrin medalje. Fitojnë vota. Bëjnë karrierë. Vënë pasuri. Atyre u ngrihen vjersha, përmendore. Mirëpo, është koha që ta themi se njerëz të tillë që kanë vetëm një plan e vetëm një axhendë, atë të përjetësimit të konfliktit me fqinjët, duhen izoluar. Nëse Ballkani ka një problem, problemi janë pikërisht këta. Dhe Ballkani do të shpëtojë, veç kur këta të jenë një minorancë e papërfillshme në secilin prej vendeve tona. Përsëris edhe njëherë idenë e fillimit: Hashim Thaçi nuk është tradhtar. Nuk e besoj kurrë këtë gjë.Nuk ka asnjë gjasë që të jetë kështu. Hashim Thaçi mund të jetë idiot, por jo tradhtar. Por edhe në qoftë idiot, ai është më pak idiot sesa ata që Hashimin e quajnë tradhtar. Në çdo rast, rroftë Hashim Thaçi!

September 20, 2018 0 comment
0 Facebook Twitter Google + Pinterest

Kushtet e rënda financiare e shtyen 21 vjeçaren nga Prizreni të kërkojë punë në kompmani të ndryshme private. Por, thotë se nuk i priu fati dhe kështu e lodhur nga kjo situatë ajo pranoi të punësohet në një nga të ashtuquajturat qendrat e masazhit në Prishtinë, e që po e njëjta ofronte shërbime seksuale.

Në një bisedë për “Indeksonline”, ajo rrëfen për momentet e rënda që kaloi për rreth 3 muaj, derisa nisin të lindin dyshimet se ajo po punonte në një sallon të tillë.“Po, jam kanë në vitin e fundit të studimeve, edhe dojsha me gjetë një punë, me i ndihmu edhe familjes pasi që i kishim kushtet e rënda. E vetmja që punonte në familje ishte motra më e madhe. Aplikoja vazhdimisht për vende të ndryshme të punës, më së shumti te këto marketet e mëdhaja. Aty rrogat e vogla edhe kishte për gjithçka minusa në pagë edhe pse punonim pa ndalë. U pata lodh tu lyp pare borxh, as për tesha s’kisha pare”, rrëfen ajo në një bisedë për Indeksonline.

Derisa ndihej e dëshpëruar, një njoftim për punë që pa në rrjetet sociale i dha shpresë asaj se mund të krijonte një jetë më të mirë financiare.

“Po lajmërimin për punë që e pata pa u kan te një grup i femrave në Facebook, megjithëse unë hiç lidhje s’kam pas me masazhe, po kur shkova aty me thanë që m’ndihmojnë për gjithçka, e tmerrshme, bile qat ditë ja pata fillu kur më tregun qysh jonë senet. Jemi kon 4 qika, e familjes i kam thanë që jam punësu në një shitore të ‘1 eurove’, s’kanë pas mundësi me ditë ku jam tu punu se rrallë kanë ardh në Prishtinë”, ka thënë ajo gjatë bisedës.

Po e njejta, shërbeu në një nga këto qendra relaksi në kryeqytet derisa lindën dyshimet nga disa të afërm të saj.

“Nëse hynë aty është shumë vështirë me dalë. Pronarët dinë me të mbajtë nën kontroll, na kanë jap edhe bari që me qenë ma të hutume. Dita na ka dalë diku prej 100 deri 150, varësisht nga klientët. Momenti ma i vështirë për mu ka qenë kur aty më ka pa një i afërm dhe nisën të përhapeshin fjalë se unë po punojë aty”, vlerëson tutje 21-vjeçarja.

Megjithëse e kishte të vështirë të largohej nga ky vend i punës, ajo thotë se pas 3 muajve me shumë vështirësi arriti të ndërpriste kontraten e punës.

“As gjumin nuk e bëja si duhet, ka pas meshkuj të ndryshëm, ka pas edhe shumë të shkollave të mesme, nuk mundem me folë ma shumë, kanë qenë ditët më të vështira për mu. S’muj me fol ma shumë kurgjo.”, ka thënë në fund ajo pa dashur të japë më shumë detaje rreth punës që e kreu në këtë fillim vit.

E ndërkohë që interesimi i individëve të ndryshëm për të hapur një ‘biznes’ të tillë po rritet dita-ditës.

Kështu, Ministria e Tregtisë dhe Industrisë u ka dhënë licensën 330 lokaleve për të kryer masazhe të ndryshme relaksi, sipas kësaj ministrie në 9-mujorin e këtij viti lejen për të zhvilluar këtë biznes kanë marrë hiç më pak se 43 operatorë.

“Numri i bizneseve në Kosovë që ofrojnë masazhe janë: 330 Biznese. Bizneset e tilla që janë çertifikuar brenda këtij viti janë: 43 Biznese”, bënë të ditur MTI me anë të një përgjigjeje elektronike. Por, jo të gjitha këto ndërmarrje po i përmbahen kontrates dhe pikave që mund të ushtrojnë si biznes, për shumë nga to ka dyshime se ushtrojnë veprimtari të kundërligjshme- prostitucion. Kështu, Ministria e Tregtisë dhe Industrisë respektivisht Inspektorati i Tregut me kërkesë të Policisë së Kosovës njësia kundër trafikimit të qenieve njerëzore, dhe në bashkëpunim me Inspektorët komunal të Komunës së Prishtinës, Inspektorët e Punës, Inspektorët e ATK-së, gjatë muajit Shkurt 2018, kanë zhvilluar inspektime të përbashkëta tek 26-të Operatorë Ekonomik të cilët kanë realizuar aktivitete për mirëmbajtje trupore dhe ofrim të shërbimit të masazhave të ndryshme në Komunën e Prishtinës.

Qëllimi i këtyre inspektimeve ka qenë verifikimi nëse të njejtat ushtrojnë veprimtarinë në pajtim me legjislacionin në fuqi.

“8 Operator Ekonomik janë mbyllur përkohësisht nga Inspektorët Komunal të Komunës së Prishtinës, për shkak se kanë zhvilluar veprimtarinë dhe nuk kanë qenë të pajisur me Aktvendimin mbi plotësim e kushteve minimale teknike dhe higjieno sanitare; 17 Operatorëve Ekonomik , inspektorët e tregut kanë shqiptuar gjobë për shkak se nuk kanë vendosur në vend të dukshëm çmimoren për shërbimet e ofruara; kurse 6, prej tyre kanë ushtruar veprimtarinë në pajtim me ligjet e aplikueshme.”, ka treguar Enxhi Stublla nga MTI për Indeksonline.

Për ushtrimin e kësaj veprimtarie të kundërligjshme, Policia e Kosovës gjatë vitit 2017 dhe tre mujorit të parë të këtij viti ka arrestuar 103 persona.

“Në pesë 5 vitet e fundit për veprën kundërvajtëse- Marrje me Prostitucion janë të arrestuar gjithësej 288 persona të dyshuar të ndarë sipas viteve: 2013-22, 2014-42, 2015-69, 2016-52, 2017-75 dhe tre mujori 2018-28.”, njofton Policia e Kosovës. Sipas policisë së Kosovës, nga numri i përgjithshëm i këtyre personave të arrestuar pjesa më e madhe janë me shtetësi të Kosovës, ndërsa një numëri i vogël janë nga Shqipëria.

Kështu, Policia e Kosovës është në dijeni dhe ka trajtuar disa raste që gjatë ushtrimit të bisnesit si sallone masazhi, janë kryer edhe veprimtari tjera të dyshuara qofshin ato të prostitucionit, mundësimit në prostitucion apo edhe te trafikimit me njerëz. “Qasja në trajtimin e këtyre rasteve është bërë bazuar në ankesat e qytetarëve por edhe sipas informacioneve që kanë ardhur nga tereni dhe veprimeve tona operative ku vendet më të prekuara janë qytete e mëdha. Numri i të arrestuarve që ndërlidhen me këto sallone masazhi në vitin 2017 dhe tre mujori (janar – mars) i viti 2018 është 28 persona të dyshuar. Ndërsa nga muaji mars 2018 deri me tani (20.09.2018) DHTQNJ, pas hetimeve te bëra ka realizuar 7 raste në 9 qendra të masazhes”, bënë të ditur tutje Policia e Kosovës.

Sipas Policisë, të njejtit persona janë të dyshuar për vepra penale: trafikim me njerëz, mundësim ose detyrim ne prostitucion, ofrim i lokaleve për Prostitucion, bashkëkryerje, dhe prishje e rendit dhe qetësisë publikem marrje me prostitucion.

September 20, 2018 0 comment
0 Facebook Twitter Google + Pinterest